Eddie Hearn ka thënë se përballja në mes të Anthony Joshuas dhe Tyson Furyt mund të ndodhë në këtë vit.
Tashmë është bërë e ditur se AJ do të përballet me Kubra Pulevin për titullin IBF në qershor, derisa në garë do të jenë edhe titujt si WBA e WBO.
Në anën tjetër, Deontay Wilder ka aktivizuar klauzolën për trilogjinë ndaj Furyt që do të zhvillohet në muajin korrik.
Por, promovuesi i Joshuas beson se përballja me Gypsy King duhet të zhvillohet në fund të këtij viti dhe kontrata të finalizohet sa më shpejtë.
“Gjëja më e mirë është se do të kemi trilogjinë mes Furyt dhe Wilderit në korrik, derisa ne do të boksojmë në qershor”, ka thënë fillimisht Hearn.
“Tani, qëllimi jonë është që të finalizojmë përballjen me Furyn në dhjetor të këtij viti. Nuk ka asnjë arsye që të mos e nënshkruajmë kontratën tani, gjithmonë duke u mbështetur nëse të dy fitojnë në këtë verë”, ka shtuar më tej ai.
Joshua do t’i mbrojë titujt e tij në Tottenham Hotspur Stadium, gjersa Fury do të mbrojë titullin e tij WBC ndaj Wilderit, që e fitojë në muajin shkurt në Las Vegas. /Telegrafi/