Këngëtari i njohur britanik, Ed Sheeran, është nderuar me çmimin për “arritje globale” në ‘Brit Awards 2019’.
Kjo arritje vjen si rrjedhojë e suksesit të tij me albumin e fundit “Divide”, i cili është shituar me miliona kopje në mbarë botën.
Nga ky album rrjedh edhe super hiti “Shape of you”, që renditet aktualisht si kënga e dytë më e klikuar në historinë e YouTube.
Megjithëse u shpërblye, këngëtari nuk ishte prezent në mbrëmje për të tërhequr çmimin, kjo ngase ai ndodhej në Shtetet e Bashkuara të Amerikës.
“Faleminderit shumë për çmimin dhe më falni që nuk mund të isha pjesë e mbrëmjes, sepse jam në turin tim amerikane. Faleminderit sërish”, ka thënë Ed Sheeran përmes një lidhje të drejtëpërdrejtë.
Të njëjtin çmim, Ed Sheeran e kishte fituar edhe vitin e kaluar në “Brit Awards”. /Telegrafi/
