Ed Sheeran mund të bëhet muzikanti i parë miliarder britanik pasi një tjetër “vit i artë” pa pasurinë e tij që thuhet se u rrit me 40 milionë funte (47.2 milionë euro), sipas listës së pasur të përpiluar nga Sunday Times Music.
Kantautori i “Suffolk”, 31 vjeç, zë vendin e 10-të në listën vjetore të artistëve në Mbretërinë e Bashkuar dhe Irlandë me një pasuri totale të vlerësuar prej 260 milionë funtesh (307 milionë euro), shkruan DailyMail.
Sir Paul McCartney, 79 vjeç, pretendon numrin një në renditje me një pasuri prej 865 milionë funtesh (një miliard euro), të cilën ai e ndan me gruan e tij amerikane Nancy Shevell, por hartuesi i listës beson se Sheeran mund ta mposhtë atë duke arritur në një pasuri prej një miliard funtesh nëse vazhdon trajektoren e tij aktuale.
Kompozitori Andrew Lloyd Webber, 74 vjeç, ka pësuar rënie me 30 milionë funte (35 milionë euro), duke pasur 495 milionë funte (585 milionë euro) në total, zbritje e cila erdhi mes ndikimit të COVID-19 në botën e teatrit, por është ende në vendin e tretë.
Së fundmi ai njoftoi mbylljen e muzikalit të tij të ri në West End, “Cinderella (Hirushja)”, pasi u vonua vazhdimisht për shkak të pandemisë.
Teksa publikon albumin e tij të tretë solo, ish-ylli i ‘One Direction’, Harry Styles, 28 vjeç, i shton pasurisë së tij 25 milionë funte (29.5 milionë euro), duke e bërë atë muzikantin më të pasur nën moshën 30 vjeçare me një pasuri totale prej 100 milionë funtesh (118 milionë euro).
Vitet e fundit këngëtari ka nisur një turne në Amerikën e Veriut dhe ka nxjerrë në shitje albumin e tij të dytë “Fine Line” me komente pozitive.
Pasi rriti pasurinë e saj me 24 milionë funte (28.3 milionë euro) në një total prej 60 milionë funtesh (70 milionë euro), këngëtarja Dua Lipa ngjitet në vendin e dytë në listën e muzikantëve të rinj, duke u barazuar me grupin e vajzave Little Mix.
Sting, ish-frontmeni i ‘The Police’, ka rritur pasurinë e tij personale me 100 milionë funte (118 milionë euro) në rreth 320 milionë (378 milionë euro) funte pasi shiti të drejtat e tij muzikore te Universal Music në fillim të këtij viti.
Në dhjetor 2020, Universal bleu të gjithë koleksionin e këngëve të Bob Dylan për një shumë prej 300 milionë dollarësh (354 milionë euro) amerikanë.
Rokerët e grupit U2 janë hyrja kryesore irlandeze në listë, me vlerë së bashku 625 milionë funte (739 milionë euro), ndërsa ish-anëtari i ‘One Direction’, Niall Horan, 28 vjeç, është muzikanti i ri më i pasur i vendit, me pasuri në vlerë 52 milionë funte (61 milionë euro).
Robert Watts, përpiluesi i listës së të pasurve të Sunday Times, tha: “Shitja e të drejtave të tyre muzikore ka rezultuar jashtëzakonisht fitimprurëse për shumë nga artistët në listën e pasur me muzikë – veçanërisht ata që kishin pandemi të qetë”.
“Ne presim që rikthimi në turne pas COVID-it do të shohë që shumë prej këtyre këngëtarëve dhe grupeve të fitojnë mirë këtë vit dhe vitin e ardhshëm. Duket se muzikantët e vjetër nuk dalin kurrë në pension, ata thjesht bëhen më të pasur”, shtoi ai.
“Një tjetër vit i artë për Ed Sheeran na bën të besojmë se ai me kalimin e kohës mund t’ia kalojë Paul McCartney për t’u bërë muzikanti i parë miliarder britanik”, theksoi Watts. /Telegrafi/