Një burrë në Brooklyn të New Yorkut, është arrestuar të hënën nën akuzën për shkelje të qëllimshme me veturë të shoferes së një autobusi gjatë prillit, e ky incident ishte kapur nga kamerat e sigurisë.
Kymani Hardie, 22-vjeç, akuzohet për tentim vrasje dhe dhunë fizike, pasi policia ka njoftuar se ai kishte shtypur me veturë 44-vjeçaren në rrugën Hinsdale, transmeton Telegrafi.
Videoja e publikuar gjatë 30 prillit ka zbardhur rastin, ku Hardie shihet duke dalë nga vetura e tij Subai që ishte ndalur pas autobusit që gjithashtu ishte ndalur në semafor.
Pas tij shihet duke dalë edhe shoferja e autobusit për të realizuar një telefonatë, kur Hardie ndez veturën rrit shpejtësinë dhe e shtyp me mjet – duke e futur në rrota, për t’u larguar me pas nga vendi i ngjarjes.
Si pasojë e këtij veprimi, ajo ka pësuar lëndime trupore në të gjitha gjymtyrët dhe aktualisht po trajtohet në spitalin e Brookdale. /Telegrafi/
