Blero Muharremi është njëri nga banorët e Big Brother VIP Kosova 2 që ka krijuar ‘lojën’ e tij në këtë format.
Ai e ka shprehur disa herë se personazhet këtu duhet të tregojnë veten, të kenë respekt dhe që të mos dalin jashtë kontrollit.
Teksa pyetet së fundmi për lojën dhe paraqitjen e tij brenda, këngëtari ka befasuar duke thënë se ka hyrë në mal pa sakicë.
“Realisht unë jam hyrë në mal pa sakic, por kur e pashë që ka gjithçka në mal, kur e kuptova e bëra një sakicë në kuptimin jo lojë por me u mbrojt”, u shpreh ai.
Biseda e tij me Alba Vukajn vazhdoi, ndërkohë që shtoi: “Unë tani duhet të mbijetoj se kam hyrë në mal, ka gjithçka”.
I njëjti po pëlqehet për atë që ka paraqitur brenda këtë periudhë, ndonëse nuk përfshihet edhe aq shumë në debate.
Ai tenton të jetë më i tërhequr duke ruajtur me fanatizëm anën e tij që e njohin të gjithë. /Telegrafi/
