Fituesi i edicionit të dytë, Luiz Ejlli, ka qenë së fundmi i ftuar në Big Brother VIP Albania 3.
Ai ishte i pranishëm në studio, ku ka folur për jetën e tij pas daljes nga ky reality shou.
Derisa po komentonte debatin mes Romeos dhe Meritonit, këngëtari nuk la pa përmenduar as ish-opinionisten e sezonit të kaluar, Zhaklin Lekatari.
“Tani e kuptoj pozicionin e Arbrit kur thonte e kemi të vështirë edhe ne si opinionista, Zhakun jo, por shyqyr që nuk është këtu për të mirën e saj”, u shpreh Luizi.
Duket se pas kësaj është bërë edhe një reagim nga opinionistja dhe gazetarja shqiptare.
“Si i quajmë në shqip, ata që paguhen për të bërë një punë që s’dinë ta bëjnë? Të paaftë apo investim i gabuar”, ka shkruar ajo.
Zhaklina dhe Luizi kanë pasur debate të shumta gjatë kohës sa ishin të përfshirë në BBVA 3. /Telegrafi/
