Jurgen Klopp beson se të arriturat e Liverpoolit në këtë edicion duhet të vlerësohen edhe më lartë, sidomos diferenca në pikë ndaj Manchester Cityt.
The Reds lider të Ligës Premier me 20 pikë dallim nga Citizens, derisa të mërkurën (nesër) mund të shpallen kampion pas më shumë se 30 vitesh nëse fitojnë ndaj Crystal Palaces dhe Citizens dështojnë ndaj Chelseat.
Liverpoolit i duhet vetëm një fitore dhe një barazim për t’u shpallur kampion, mirëpo shpresojnë që skuadra e Pep Guardiolas të dështojë ndaj The Blues.
Klopp deklaroi në konferencë për media se ata kanë përballë një kundërshtar mjaftë të vështirë në garë për titull si City, mirëpo që ishte e paimagjinueshme për të që të shkonin 20 pikë diferencë.
“Jo”, ka thënë ai kur u pyet nëse e kishte konsideruar perspektivën që City të kapte ekipin e tij me pikë. “Nuk ka të bëjë me ata që ata mund të na zënë me pikë apo çfarëdo”.
“E vetmja gjë që kuptova kur shikova ndeshjen mbrëmë [City mposhti Burnley 5-0 në Etihad] është se si është e mundur që dikush të jetë 20 pikë përpara këtij ekipi?!” .
“Kjo është shumë e paimagjinueshme, në të vërtetë, kështu që ne duhet të kemi bërë disa gjëra shumë mirë”.
“Unë nuk mendoj që City mund të na kapë, mendoj për Crystal Palacen. Nëse doni të bëni tani një titull në lidhje me City nuk mund të na kapë’ atëherë kjo është plotësisht e pakuptimit sepse nuk është ajo që thashë. Ajo që dua të them është, unë jam i shqetësuar vetëm me atë që ne po bëjmë, asgjë tjetër”, ka shtuar më tej Klopp.
Vetëm një gjë e pashmangshme mund të ndalonte Liverpoolin të shpallej kampion, derisa në këtë edicion kanë pësuar vetëm një humbje dhe kanë dy barazime. /Telegrafi/