Real Madridi dëshiron që sa më parë të largojë Eden Hazardin nga Santiago Bernabeu.
Sipas asaj që raporton El Nacional, Los Blancos tashmë e kanë njoftuar yllin belg se nuk është në planet e tyre.
Andaj, Hazard po kërkon një klub të ri, por që mund të jetë edhe një rikthim në një të vjetër, pasi Chelsea ka shfaqur interesim.
Mirëpo, Real Madridi u ka bërë një ofertë bluve, duke u thënë që të ofrojnë Reece Jamesin dhe të marrin belgun.
Skuadra spanjolle dëshiron të investojë edhe më shumë në fazën defanzive, gjersa anglezin e sheh si zëvendësues të Dani Carvajal.
Perez shpreson të zgjidhë dy probleme me një hap duke sjellë James dhe duke larguar Hazardin përsëri në klubin nga i cili nënshkroi atë si pjesë e së njëjtës marrëveshje.
Edhe pse Roman Abramovich do të ishte i lumtur ta kthente Hazardin në Londër, ai nuk dëshiron që kjo marrëveshje të jetë me shkëmbim. /Telegrafi/