Serie A e ka konfirmuar se sezoni 2019/20 do të përfundojë, por vetëm atëherë kur qeveria do të lejojë një gjë të tillë.
Disa vendime thuhet se janë ndërmarrë sot në një takim të mbajtur mes krerëve të klubeve dhe Federatës së Futbollit italian.
“Liga Serie A në koordinim me UEFA-n, Federatën e Futbollit të Italisë dhe ECA-n, kanë marrë disa vendime”, thuhet në njoftimin e ligës italiane.
“Dëshira është që sezoni te përfundojë dhe të kthehemi të luajmë pa marrë ndonjë rrezik, por ajo gjë do të ndodhë vetëm kur të konfirmojë qeveria se nuk ka rrezik për shëndetin”.
“Mbledhja është mbajtur sot dhe janë ndërmarrë të gjitha masat për të parandaluar ndonjë veprim që mund të rrezikojë futbollistët”, thuhet më tej aty.
Serie A ka bërë të ditur se posa të lejohen të luajnë dhe nuk rrezikohet shëndeti i tifozëve dhe lojtarëve, ata do të vazhdojnë edicionin e ndërprerë në muajin mars. /Telegrafi/