Vedat Muriqi mbetet temë e nxehtë në kampionatin e shtetit turk sa i përket të ardhmes së tij.
Haluk Canatar ka folur për A Spor, duke konfirmuar tri ofertat që ka marrë klubi i Rizesporit.
Ai ka thënë se tashmë për lojtarin e Kosovës kanë bërë oferta Fenerbahce, Galatasaray si dhe Basaksehir.
“Mund të them se Galata edhe Feneri tashmë kanë shprehur interesimin për sulmuesi. Ata kanë bërë ofertë në drejtim të Rizesporit”, ka pohuar menaxheri.
Ai më tutje ka deklaruar se ish-trajneri i Rizes, Okan Buruk, i cili dha dorëheqje ditë më parë nga skuadra, dëshiron ta transferoj lojtarin te skuadra e Basaksehiri.
Ndryshe, 25-vjeçari në sezonin që lamë pas ka shënuar 17 gola dhe ka asistuar në tetë raste në të gjitha garat. /Telegrafi/