Një gjë tejet e pazakontë ka ndodhur me sulmuesin spanjoll, Diego Costa.
Reprezentuesi i Spanjës ka pëlqyer një foto në Instagram të skuadrës turke Besiktas.
Kaq ka mjaftuar që në profilin e tij të futën miliona tifozë të klubit turk duke i uruar mirëseardhje.
Tifozët turk e kanë ‘bombarduar’ në fotografinë e fundit të Costas, duke i komentuar mbi 1,800,000 herë, transmeton Telegrafi.
Komentet më të shpeshta ishin ‘Mirë se vjen në Besiktas Diego Costa’.
Foto e anëtarit të Chelseat është bërë hit në rrjetet sociale pasi shumë faqe të ndryshme sportive e kanë shpërndarë atë.
Komentet e shumta i kanë befasuar të gjithë, ndërsa mbetet të shihet nëse Costa do të bindet nga lutjet e tifozëve dhe do të transferohet në Besiktas.
Kujtojmë që Costa ka paralajmëruar largimin nga Chelsea pasi nuk është në planet e trajnerit Antonio Conte. /Telegrafi/
