Arturo Vidal ende nuk e ka të qartë të ardhmen, nëse do të qëndrojë te Barcelona apo do të largohet.
Mesfushori kilian iu bashkua Barcelonës në verën e vitit 2018, por që në çdo afat kalimtar për futbollistë flitet për largimin e tij nga Camp Nou.
Antonio Conte e dëshiron me çdo kusht atë te Interi, por ende nuk është arritur një gjuhë e përbashkët mes klubit italian dhe lojtarit.
Nga ana tjetër Vidal te Barcelona ka shfaqur formë të lartë dhe shihet si një ‘xhoker’ i skuadrës në raste të caktuara.
Përpos që po luan mjaftë mirë në repartin defensivë, Vidal ka ditur të shënoj edhe gola gjë që i ka ndihmuar mjaftë shumë ekipit.
Quique Setien e pëlqen shumë lojtarin, por ende nuk ka një vendim konkret për të ardhmen e tij.
33-vjeçarin po e tundon ideja për të luajtur përsëri në urdhrat e Antonio Contes, por në anën tjetër dëshiron qëndrimin te Barcelona, klub që i jep më shumë mundësi të luftoj për triumfin në Ligën e Kampionëve.
Gjithsesi pas përfundimit të sezonit në La Liga do të merret vendimi përfundimtar rreth të ardhmes së lojtarit nëse do të mbetet te Barcelona apo do të largohet në drejtim të Interit. /Telegrafi/