Roma i ka dhënë leje Edin Dzekos për të përfunduar transferimin e tij në Inter dhe boshnjaku do të udhëtojë për në Milano në orët e ardhshme për të kryer testet mjekësore dhe për të nënshkruar kontratën.
Sipas Sky Sport Italia, reprezentuesi i Bosnje-Hercegovinës do të largohet nga Ciampino me një fluturim për në Milano.
Ai pastaj do të kryejë ekzaminimet mjekësore të kërkuara para se të nënshkruajë një kontratë dyvjeçare me Nerazzurrët.
Kontrata e Dzeko pritet të jetë me vlerë rreth 5 milionë euro në sezon dhe thuhet se nuk do të përjashtojë edhe një lëvizje të mundshme për sulmuesin e Atalantas, Duvan Zapata.
Alexis Sanchez është lidhur me një largim nga San Siro, për shkak të pagës së tij të lartë, ndërsa sulmuesi i Lazios, Joaquin Correa, është një tjetër objektiv për Interin.
Dzeko all'Inter: alle 10.30 il volo Roma-Milano: le news di calciomercato#SkyCalciomercato #Dzeko #Inter #Romahttps://t.co/E2GPryxy8g
— skysport (@SkySport) August 11, 2021
Sky raporton se Biancocelestet po kërkojnë 37 milionë euro plus bonus për argjentinasin, i cili mund të ndiqte Simone Inzaghin këtë verë.
Megjithatë, Dzeko është sulmuesi i parë i ardhshëm që kur Interi pranoi të lejojë Romelu Lukakun të largohet nga klubi për t’u kthyer në Chelsea. /Telegrafi/