Një i dyshuar vazhdon të jetë në arrati pasi të paktën 10 persona u vranë dhe shumë të tjerë u plagosën nga të shtënat masive në një klub vallëzimi në Monterey Park, Kaliforni.
Bëhet fjalë për një ngjarje që ndodhi të shtunën vonë (sipas kohës lokale) në një zonë ku njerëzit ishin mbledhur për të festuar Vitin e Ri Hënor, thanë autoritetet, përcjell Telegrafi.
Kapiteni Andrew Meyer nga Byroja e Vrasjeve e Departamentit të Sherifit të Qarkut të Los Anxhelosit konfirmoi herët të dielën se 10 viktima u shpallën të vdekura në vendngjarje, me 10 të tjerë të dërguar në spitalet lokale në kushte të ndryshme, nga të qëndrueshme në ato kritike.
https://twitter.com/dessthemess/status/1617063254504931329?s=20&t=o4SE_Qlh_29R93Spb3XHtw
Meyer tha se i dyshuari, të cilin autoritetet më herët e identifikuan si mashkull, u largua nga vendi i ngjarjes pas të shtënave dhe mbetet i lirë.
Njerëzit po “shpërndaheshin nga vendi duke bërtitur” kur oficerët arritën në sallën e vallëzimit rreth orës 22:30, tha Meyer, duke shtuar se oficerët hynë në klub ndërsa zjarrfikësit trajtonin të plagosurit.
https://twitter.com/GraceFrank159/status/1617182111152103425?s=20&t=o4SE_Qlh_29R93Spb3XHtw
Meyer tha se nuk kishte informacion të mëtejshëm për armën e zjarrit të përdorur në atë moment.
Ai shtoi se është shumë herët në hetim për të ditur nëse personi i armatosur njihte ndonjë nga viktimat ose nëse ishte një krim urrejtjeje. /Telegrafi/