Manchester City pa katër oferta për Harry Kane të refuzohen nga Tottenham gjatë afatit kalimtar së verës të vitit të kaluar, ka zbuluar Pep Guardiola, me spanjollin që pranoi se nuk e dinte nëse skuadra e tij do të paguante për dështimin e tyre për të transferuar kapitenin e Anglisë.
Sulmuesi ishte shumë i lidhur me një lëvizje te kampionët e Ligës Premier gjatë një sezoni të ngarkuar me Tre Luanët, pasi shkoi me këta të fundit deri në finale të Euro 2020, për t’u mposhtur më pas nga Italia.
Megjithatë Spurs ishin të bindur se ata nuk do të shisnin pavarësisht interesimit të Cityt dhe dëshirës së sulmuesit për të bërë një lëvizje te kampionët – dhe tani Guardiola ka zbuluar se sa këmbëngulëse ishin iniciativat e Citizens, si dhe shqetësimet e tij për formën e mëvonshme të Cityt në sezonin e hershëm.
“Tani mund të thuash: “Harry Kane nuk erdhi dhe gjithçka po shkon mirë”, por në atë kohë nuk e dija”, pranoi Guardiola përpara përballjes së skuadrës së tij me Spurs këtë fundjavë. “Ne u përpoqëm, por Tottenham e kishte të qartë se nuk do të ndodhte”.
“Kur kjo ndodh dy, tre, katër herë, ka mbaruar. Pas kësaj, ne pamë skuadrën dhe nuk ishim të sigurt. Më pas humbëm në Spurs dhe kundër Leicester në Community Shield”.
“Unë kurrë nuk kam qenë i zhgënjyer në atë që klubi nuk mund të bëjë në tregun e transferimeve. Unë kurrë nuk kam ndezur zjarr këtu. Kur kemi disa bisedime dhe nuk mund të biem dakord, ne e bëjmë atë brenda”.
Edhe pa transferimin e Kane, Guardiola theksoi se ai mbetet jashtëzakonisht i kënaqur me operacionin e transferimit në stadiumin Etihad, duke theksuar marrëveshjen me Julian Alvarez si një shembull të tillë. /Telegrafi/