Dy raketa ruse kaluan në hapësirën ajrore rumune dhe moldave përpara se të hynin në Ukrainë të premten, ka pohuar një gjeneral i lartë ukrainas.
Ministria rumune e mbrojtjes ka thënë se ende nuk i ka konfirmuar raportet, raporton The Guardian, përcjell Telegrafi.
Valeriy Zaluzhnyi, komandanti i përgjithshëm i forcave të armatosura të Ukrainës, tha se dy raketa Kaliber të lëshuara nga Deti i Zi kishin hyrë në hapësirën ajrore të Moldavisë, më pas fluturuan në hapësirën ajrore rumune, përpara se të rihynin në Ukrainë në pikën ku takohen kufijtë e tre vendeve.
Reuters tha se nuk mund ta verifikonte menjëherë deklaratën në mënyrë të pavarur. Rusia nuk e komentoi menjëherë këtë.
Media e “Ukrainska Pravda” citoi zëdhënësin e forcave ajrore të thoshte veçmas se Ukraina kishte aftësinë për të rrëzuar raketat, por nuk e bëri këtë sepse nuk donte të rrezikonte civilët në vendet e huaja. /Telegrafi/