(E plotësuar) Zëdhënësja e Policisë së Kosovës, Flora Ahmeti ka konfirmuar se dy persona kanë shtënë me armë zjarri në drejtim të policëve në fshatin Dobërdol të Podujevës.
Rasti ka ndodhur rreth orës 18:20.
“Rreth orës 18:20, kemi pranuar informatën se në një shtëpi në fshatin Dobërdol të Podujevës, me forcë janë futur katër persona të dyshuar. Me të marrë informatën policia ka dalë në vendngjarje dhe janë vënë në ndjekje të personave të dyshuar. Në ikje e sipër njëri nga personat e dyshuar ka shtënë me armë zjarri, nuk raportohet për persona të lënduar”, deklaroi Ahmeti për Telegrafin.
Tutje, ajo shtoi se policia janë duke punuar në identifikimin dhe arrestimin e personave të dyshuar.
– – – – – –
Dy persona kanë shtënë me armë zjarri para pak minutash në fshatin Dobërdol të Podujevës.
Telegrafi mëson se personat e dyshimtë kanë shtënë në drejtim të policëve, e që ishin duke i ndjekur personat e dyshuar.
Siç mësohet, Policia kishte shkuar në këtë fshat pasi janë informuar se të dyshuarit kanë hyrë me dhunë në një shtëpi.