Sot (e diel) ka marrë zyrtarisht rolin e Presidentit të Shqipërisë, Bajram Begaj.
Ai bëri betimin në Kuvendin e Shqipërisë, me ç’rast edhe iu dorëzua detyra nga pararendësi i tij, Ilir Meta.
Në lozhën e Kuvdenit për ta ndjekur nga afër ceremoninë e betimit, ishin edhe familjarët e tij, përkatësisht bashkëshortja dhe dy fëmijët.
Gruaja e cila tashmë do të gëzojë epitetin Zonja e Parë e Shqipërisë, quhet Armanda Begaj dhe ka dy djem me presidentin e ri të vendit.
Ajo është lindur në vitin 1968 dhe ka ushtruar disa funksione në Administratën Tatimore të Shqipërisë si punonjës, ndërkohë që së fundmi ka punuar edhe në sektorin e IT-së në Kontrollin e Lartë të Shtetit.
Sipas një formulari të dekriminalizimit që vet familja ka plotësuar, rezulton se ata asnjëherë nuk kanë jetuar jashtë vendit.
Si Zonja e Parë e re e vendit, ajo mori vëmendjen me dukjen elegante të ceremonisë së betimit, e veshur me një fustan bojëqielli teksa shoqëronte bashkëshortin e saj në marrjen e detyrës së re.
Ajo zyrtarisht zë vendin e gruas që deri më tani ka qenë Zonjë e Parë e vendit, Monika Kryemadhit. /Telegrafi/