Romelu Lukaku ka treguan se ndihet i lumtur te Roma dhe do të donte të qëndronte, por nuk dëshiron polemika me klubin e tij, Chelsea.
Belgu shënoi në fitoren 4-0 të Romës kundër Brighton në Ligën e Evropës të enjten mbrëma dhe tani ka 18 gola dhe katër asistime në 35 paraqitje në të gjitha garat deri më tani këtë sezon.
Lukaku aktualisht është në huazim për një sezon te Roma dhe Chelsea thuhet se ka bërë një marrëveshje me sulmuesin për ta shitur atë për rreth 40 milionë euro në verë.
Për të ardhmen e tij u pyet vet sulmuesi, i cili qeshi pas pyetjes dhe vuri duart në gojë gjatë bisedës.
“Këtu në AS Roma është gjithçka ndryshe, këtu më duan tifozët. Unë po bëj më të mirën, pasi ky klub më ndihmoi”, ka thënë fillimisht Lukaku.
“E ardhmja dhe huazimi nga Chelsea skadon në qershor? Duhet të kem kujdes me ato përgjigje!”, shtoi ai duke buzëqeshur.
— AS Roma (@OfficialASRoma) March 7, 2024
“Nuk dua asnjë polemikë me ta [Chelsean] në Angli! Duhet të jem i zgjuar, e dini se çfarë dua të them”.
“A e mora mësimin? Më lini të shkoj, djelmosha … duhet të qëndroj”, përfundoi sulmuesi belg. /Telegrafi/