Pos që është artistja më e nominuar në ceremoninë e sivjetme të Brit Awards, Dua Lipa është kujdesur edhe për atmosferën në O2 Arena.
22-vjeçara shkroi historinë duke u bërë femra me më së shumti nominime në këtë ceremoni muzikore.
Ajo veçmë e ka fituar çmimin për Këngëtaren më të mirë britanike dhe është konkurrente e fortë për katër çmime të tjera.
Ndërkaq, në skenën e O2 Arena e ka interpretuar hitin e saj të madh “New Rules”.
Prezantuesi e ka komentuar si një performancë mahnitëse paraqitjen e Duas dhe ekipit të saj në skenë.
“New Rules” është hiti më i madh i Dua Lipës dhe është kënga që ka kaluar një miliard shikime në YouTube.
Videoklipi i kësaj kënge aktualisht numëron një miliard e 21.6 milionë shikime në shërbimin e shpërndarjes së videove. /Telegrafi/
.@DUALIPA ‘s win, speech, and massive girl squad is all you need to watch and hear from the #britawards pic.twitter.com/ojDk0Ktede
— Lianna Brinded (@LiannaBrinded) February 21, 2018