Artistja me prejardhje shqiptare, Dua Lipa, është duke thyer rekorde të shumta përmes projekteve muzikore.
Por, postimi i fundit në rrjetin social Instagram, nuk kishte të bëjë kësaj radhe me karrierën profesionale.
Ajo pati rastin që të urojë Ditën e të Dashuruarve, përmes disa imazheve atraktive me të dashurin e saj.
Dua u shfaq në fotografi duke u puthur me Anwar Hadid, ndërsa e konsideroi si një person të zemrës.
“I vetmi për zemrën time. Urime Dita e të Dashuruarve”, ka shkruar ajo në përshkrim.
Që të dy u panë të veshur me plot stil, ndërsa përmes pozave të marra ngjallën reagime pozitive të fansave.
Theksojmë se “We’re Good” është kënga e saj e fundit, që u lansua dy ditë më parë. /Telegrafi/
