Këngëtarja me renome ndërkombëtare, Dua Lipa, ka udhëtuar së fundmi drejt Kinës.
Ajo ka udhëtuar në kontinentin aziatik për të mbajtur turin e parë të koncerteve atje.
Së fundmi, Dua pati një paraqitje të suksesshme në koncertin e mbajtur në qytetin Guangzhou të Kinës.
Në disa fotografi të publikuara në rrjetin social Instagram, këngëtarja Lipa i ka prezantuar fansat me atmosferën që ka mbizotëruar në koncertin e saj të fundit.
“Drejt nga aeroplani në shfaqjen tonë të parë në Kinë. Guangzhou ishte kaq magjik”, ka shkruar Dua në Instagram.
Këngëtarja shqiptare ka qenë mjaft e angazhuar këtë vit me prurje të reja në muzikë dhe koncerte të shumta anë e mbanë botës.
Ajo mund të shquhet lirisht si një prej këngëtareve më aktive këtë vit në tregun ndërkombëtar. /Telegrafi/