Janë pa diskutim ndër këngëtaret më të famshme shqiptare, të cilat ina kanë bërë t֝ ndjehemi krenarë me sukseset e tyre.
Dua Lipa dhe Rita Ora janë shumë të pëlqyera nga publiku për këngët dhe stilin e tyre, ndërsa nuk është bërë e ditur nëse vajzat në fjalë njihen mes vete.
Në fakt, ato nuk janë takuar asnjëherë personalisht, por prindërit e tyre njihen mes vete.
Kështu së paku ka thënë vet këngëtarja Dua Lipa gjatë intervistës së saj më të fundit për revistën “Evening Standard”.
“Më shumë e njoh përmes muzikës. Por, prindërit tanë njihen mes vete, derisa unë e njoh pak edhe motrën e saj”, ka thënë Lipa për revistën angleze.
Rita Ora ka pasur rastin që në maj të takohet me Bebe Rexhën, teksa ndjekin edhe njëra tjetrën në Instagram, ndërkohë që e njëjta gjë nuk ndodh me Duan.
Ajo gjithashtu ka folur edhe për Prishtinën, duke treguar se në kryeqytetin e Kosovës ajo njihej më shumë si “vajza e Dugit”, kjo për shkak se ishte nën ombrellën e babait të saj, i cili ishte këngëtar gjithashtu.
Tani ajo gëzon famën, dhe shquhet si një ndër artistet më të suksesshme të momentit në tregun ndërkombëtar. /Telegrafi/
