Trajneri më i suksesshëm në Kosovë gjatë viteve të fundit, Driton Kuka është ndier i prekur nga shokët dhe nxënësit e tij, shkruan IndeksOnline.
Dje ishte dita e mësuesit, ndërsa Kuka mendon se kjo ditë është e veçantë edhe për trajnerët të cilët i japin mësim çdo nxënësi të tyre.
Në një postim në rrjetet sociale, Kuka ka uruar 7 marsin dhe ditën e gruas 8 marsin. Por, ai u ndie i prekur nga nxënësit e tij që nuk ia uruan ditën e mësuesit.
“Dje ishte dita e Mësuesit dhe unë nuk morra asnjë urim!. Gjithë dita më shkoj duke menduar se a jemi ne trajnerët mësues apo jo? Që promovojmë edukim ajo nuk do koment, por a jemi edhe ne për të uruar nuk e di. Nxënëset e mi asnjë nuk më uruan”, ka thënë Kuka duke publikuar edhe një foto me një shkrim interesant.
“Mësimet e tua janë shumë të vleshme sepse pas atyre mësimeve fshihet e ardhmja jonë”.
