Trajneri i xhudos, Driton Kuka ka kërkuar nga shteti i Kosovës që të merren masa dhe të mos e nënçmojnë Coronavirusin, i cili tashmë ka përfshirë një pjesë të madhe të botës.
Coronavirusi është përhapur në mënyrë të shpejt dhe të madhe në të gjithë botën, ndërsa gjatë ditës së sotme është shënuar viktima e parë edhe në Shqipëri.
Në botë, shumica e federatave sportive kanë vendosur t’i ndalojnë garat dhe të marrin masa për parandalimin e përhapjes së madhe të këtij virusi.
Rreth kësaj çështje ka reaguar edhe trajneri më i mirë kosovar, Driton Kuka, i cili nëpërmjet një postimi në Facebook ka shkruar se duhet të merren masa për parandalimin e këtij virusi.
Postimi pa ndërhyrje i Driton Kukës
Corona…
Federata Botërore dhe Evropiane e xhudos kanë suspenduar çdo aktivitet deri në fillim të majit!
Masë kjo e marr për tu mbrojtur nga infeksioni i virusit.
Në kontakt me miq nga mbarë Bota sidomos me sportist e trener nga Italia të gjithë ata për ne kanë një porosi,të mos e nënçmojmë virusin Corona!
Minimumi që do duhej që Kosova në ketë moment ta ndërmarr është që çdo njeri që hyn në Kosovë të vetë karantinohet për dy javë duke ndjekur udhëzimet e duhura si të sjellet gjatë kësaj kohe!
Kosova deri tash për fat të mirë ska ende raste por pse të mos mbesim të tillë edhe më tutje!
Shqipëria u mobilizua pas rasteve të shfaqura,e ne të mobilizohemi para se të ndodhin!
/Telegrafi/
