Këngëtarja e njohur shqiptare, Drenusha Latifi, ka transmetuar një mesazh të fortë për Ditën Ndërkombëtare të Gruas.
Ish-Miss Kosova ka ndarë me ndjekësit një mesazh motivues drejtuar grave që kanë mbijetuar dhunën në familje.
“Dhuna ndaj gruas është një shfaqje e dobësisë, jo e fuqisë. Andaj, zëvendëso dhunën me dashuri: respekto jetën dhe integritetin e gruas”, ishte shprehur ndër të tjerash Latifi.
Pas kësaj, ajo ka marrë pjesë në një event për gruan teksa është shfaqur me ministren e drejtësisë, Albulena Haxhiun.
“Gratë duke mbështetur gratë”, ka qenë përshkrimi që ia ka vënë postimit.
Drenusha ndërkohë javë më parë zbuloi se ka qenë viktimë e dhunës të ushtruar nga ish-bashkëshorti i saj, Atilla Kardesh.
Ajo ka publikuar edhe pamjet që dëshmojnë dhunën e ushtruar, ndonëse ish-partneri i saj e mohoi një gjë të tillë. /Telegrafi/
