Drejtori sportiv i Interit, Piero Ausilio ka konfirmuar se Nerazzurrët janë në bisedime për të nënshkruar me Mehdi Taremin dhe Piotr Zielinski si transferime të lira dhe është i bindur se Lautaro Martinez dhe Nicolò Barella do të nënshkruajnë një zgjatje të kontratës.
Ausilio foli me gazetarët italianë të mërkurën pas ngjarjes ‘Amico dei Bambini’ në Milano .
Drejtori sportiv i Nerazzurrëve konfirmoi se klubi është i bindur se Lautaro Martinez, golashënuesi më i mirë i Interit këtë sezon, do të nënshkruajë një kontratë të re, duke zgjatur qëndrimin e tij në Stadio Meazza përtej vitit 2026.
“Ka besim sepse ne kemi të njëjtin qëllim nga të dyja palët. Ne të dy duam të zgjasim marrëveshjen dhe natyrisht, bisedimet janë në vazhdim, kështu që nevojitet durim. Kemi momente të ndryshme nga fansat dhe mediat, por jam i sigurt se do të arrijmë një marrëveshje që kënaq të dyja palët. Kjo është ajo që ne duam”, ka thënë fillimisht Ausilio.
“Ajo që thashë për Lautaron, është gjithashtu e vërtetë për Barellan dhe rinovimet e të gjithë lojtarëve të tjerë të rëndësishëm. Kemi shumë. Ne filluam me ato më urgjente që po skadonin dhe po vazhdojmë me planet afatgjata për Barella dhe Lautaro”.
Nerazzurrët janë në bisedime për të nënshkruar me Taremin dhe Zielinski për transferime të lira dhe Ausilio dha përditësimet më të fundit për dy marrëveshjet e mundshme.
“Ne jemi duke punuar në këto situata; ne nuk na pëlqen të imponojmë një kohë; askush nuk ka ultimatum. Ne kemi informuar klubet e tyre se negociatat janë në vazhdim, do të shohim nëse bisedimet do të sjellin diçka zyrtare”, përfundoi drejtori sportiv i Interit. /Telegrafi/