Drake duket se e ka të vështirë që ta tejkalojë zënkën e tij me Pusha T.
Gjatë një performance në kuadër të turneut “Aubrey & The Three Migos”, reperi kanadez i ka bërë ‘diss’ Kanye Westit, i cili është një mik i afërt i Pushas.
Për ta bërë akoma më të nxehtë, 31-vjeçari ia ka kushtuar ‘diss-in’ pikërisht në vendlindjen e Kanyes, në Chicago.
Në një video që është shpërndarë në rrjetet sociale, dëgjohet Drake duke interpretuar këngën “Know Yourself”, të cilës ia ndërron tekstin.
yooo @IamAkademiks drake switch the lines in “Know Yourself” and said KANYE FLOPPED pic.twitter.com/dYKQzXGwVV
— Erickkkkk (@Over_Random) August 18, 2018
“Pastaj Kanye dështoi…”, është vargu, të cilin e ka ndryshuar reperi, ndërsa një pjesë e publikut ka fishkëllyer.
Drake, në fakt, gjatë kësaj vere ka pasur një zënkë me Pusha T, i cili ka shoqëri të afërt me Kanye.
Për më shumë, West ka qenë producent në albumin e fundit të Pushas, “Daytona”, në të cilin janë disa ‘diss-e’ në adresë të yllit kanadez.
Kujtojmë që Drake është bërë sensacion botëror me hitin e tij “In My Feelings” të lansuar në fillim të këtij muaji. /Telegrafi/
