Jadon Sancho mund të qëndrojë te Borussia Dortmund përkundër interesimit nga skuadrat më të mëdha evropiane.
Nën kampioni i Gjermanisë i ka bërë të qartë ekipeve të interesuara se nuk do ta lejoj largimin e anglezit pa u paguar shuma prej 130 milionë eurove.
Real Madrid, Manchester United, Chelsea, Manchester City, Liverpool e Paris Saint Germain janë skuadrat e interesuara për yllin anglez.
Megjithatë Dortmundi po përgatitet ta mbajë në skuadër Sanchon duke i ofruar kontratë të re.
Ka qenë prestigjiozja gjermane Sport Bild që ka raportuar se verdhezinjtë i kanë ofruar një kontratë të re e cila do ta mbante atë në ‘Signal Iduna Park’ deri në verën e vitit 2025.
Sancho aktualisht fiton gjashtë milionë euro në sezon, ndërsa Dortmundi me kontratën e re i ka ofruar 10 milionë euro në sezon plus bonuse.
20-vjeçari është i lidhur me klubin dhe nuk është befasi nëse vazhdon qëndrimin aty.
Nga ana tjetër Dortmund i ka bërë të qartë ekipeve se pa 130 milionë euro Sancho nuk largohet.
Verdhezinjtë janë në favor të mirë për të kërkuar para pasi kontrata aktuale e anglezit me ta skadon në verën e vitit 2022.
Djajtë e Kuq mbetën ekipi favorit për të nënshkruar me sulmuesin anësor, mirëpo Sancho do të pranonte kalimin në Old Traford vetëm nëse United siguron kualifikimin në Ligën e Kampionëve për edicionin e ri. /Telegrafi/