Chelsea vazhdon të jetë në kërkim të një portieri të denjë, pasi stafi nuk ka qenë i kënaqur me gardianët që ka në dispozicion.
Me gjithë shpenzimet marramendëse për Kepa Arrizabalaga, Blutë akoma nuk e kanë zgjidhur problemin për portën e tyre.
Eurosport njofton se Gianluigi Donnarumma mbetet në krye të listës së dëshirave të klubit anglez.
Portieri i Milanit akoma nuk ka nënshkruar kontratë të re duke u lënë hapësirë klubeve të interesuara që të kërkojnë shërbimet e tij.
Në afatin kalimtar veror pritet që Chelsea të bëjë ofertë për portierin 22-vjeçar. /Telegrafi/