Kryetari i Kuvendit të Kosovës, Glauk Konjufca ka njoftuar se e ka pranuar dosjen për Vettingun nga kryeministri Albin Kurti dhe Ministria e Drejtësisë, Albulena Haxhiu.
Përmes një shkrimi në rrjetin social Facebook, Konjufca tha se procesi i Vetttingut është një reformë e domosdoshme për sundimin e ligjit.
“Vettingu do ta forcojë sistemin e drejtësisë, i cili ndikon drejtpërdrejt në përmirësimin e jetës së qytetarëve të Republikës së Kosovës. Krijimi, votimi dhe implementimi i tij është një hap jetik për mbarëvajtjen e shtetit dhe njëra nga reformat më të rëndësishme në sistemin e drejtësisë që e ngrit efikasitetin dhe profesionalizmin”, ka shkruar Konjufca.
Kurti gjatë ditës së diele së bashku me ministren Haxhiu gjatë një konference për medie pati kritika të shumëta për sistemin e drejtësisë në Kosovë, pas rastit të dhunimit të 11 vjeçares ditë më parë. /Telegrafi/
