Spektakli Big Brother VIP ka marr vëmendjen e të gjithëve, dhe çdo gjë që ndodhë brenda shtëpisë zgjon kureshtjen e shikuesve.
Por, krahas debateve të shumta dhe situatave të pakëndshme që krijohen mes banorëve, ata kanë treguar se edhe dinë të falin dhe të dhurojnë dashuri.
Në harmoni me njëri-tjetrin janë parë pikërisht djemtë e Big Brother VIP, të cilët janë bërë bashkë për të falur namazin.
Së fundmi është publikuar një video në rrjetet sociale e cila është realizuar gjatë kësaj jave, ku djemtë shihen duke falur njërën prej kohëve të namazit.
Është DJ PM ai që u prinë në faljen e namazit, derisa pas tij shihen Donaldi, DJ DAGZ, Sabiani dhe Kledi.
Ndërkohë, ishte Donaldi ai që u shpreh se kishte më shumë vështirësi gjatë faljes së namazit, pasi pranoi se ka kohë që nuk është falur.
Ndryshe, kujtojmë që Kledi është eliminuar mbrëmë nga shtëpia më e famshme në Shqipëri, teksa kanë filluar garën edhe dy banorë të rinj, opinionisti Meridian Ramcaj dhe ish-konkurrentja e “Përputhen”, Antonela Berisha. /Telegrafi/
* BIG Brother VIP Albania mund ta ndiqni ekskluzivisht në platformën IPKO, në dy kanale HD, të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.