Liverpooli mbeti i zhgënjyer kur mësoi se Manchester City e përmbysi rezultatin ndaj Aston Villas, për të fituar 3-2 në xhiron e fundit në Ligën Premier.
The Reds kishin mësuar se Citizens ishin në disavantazh prej dy golash në Etihad Stadium, derisa po nxitoheshin që të fitonin takimin e tyre me Wolves.
Në një moment gjatë ndeshjes Liverpool-Wolves, disa tifozë dezinformuan turmën e pranishme në Anfield Road, kinse rezultati në Etihad ishte barazuar në 3-3 dhe festa kishte filluar, por vetëm pak sekonda më vonë, fansat e kuptuan se ishte vetëm një lajm i “rremë”.
Natyrisht se kishte zbehje jo vetëm në fytyrat e tifozëve, por edhe të lojtarëve të Liverpoolit.
Liverpool edhe përkundër fitores kundër Wolves me rezultat 3-1 duhet të ndahet e kënaqur këtë sezon me pozitën e dytë dhe të shpresoj të triumfoj në Ligën e Kampionëve kundër Real Madridit. /Telegrafi/
Someone scammed Anfield that Aston Villa made it 3-3 and Anfield went crazy 😭😭😭
— Janty (@CFC_Janty) May 22, 2022