Diga më e madhe e Ukrainës është goditur nga një sulm rus, kanë thënë zyrtarët.
Kompania shtetërore e hidrocentraleve të vendit Ukrhydroenergo tha këtë mëngjes Diga Dnipro e Zaporizhzhia ishte sulmuar, por nuk kishte rrezik për një “thyerje”, shkruajnë mediat e huaja, përcjell Telegrafi.
“Aktualisht ka një zjarr në stacion”, tha kompania. “Shërbimet e urgjencës dhe punonjësit e energjisë po punojnë në vend, duke u marrë me pasojat e sulmeve të shumta ajrore”.
Bëhet e ditur se trafiku nëpër digë është aktualisht i bllokuar.
Hitting largest Ukrainian hydro power plant and the dam is nothing less than using weapons of mass destruction, akin to nuclear weapons. Are we still merely allowed to watch this? pic.twitter.com/l5uFgrpyvy
— Maria Avdeeva (@maria_avdv) March 22, 2024
Ministri i Energjisë i Ukrainës, Herman Halushchenko, theksoi se ky ishte sulmi më i madh në infrastrukturën energjetike të Ukrainës në “kohët e fundit”.
Ndërkohë ekspertja e sigurisë Maria Avdeeva ka ndarë pamjet nga vendi i ngjarjes pasi një sulm rus goditi digën më të madhe të Ukrainës.
Ukrhydroenerho, e cila drejton rrjetin e digave të Ukrainës, tha se aktualisht ka një zjarr në stacion. /Telegrafi/