Atletico Madrid ka pasur fat të keq me lëndime deri më tash këtë sezon. Shumë lojtarë të ekipit të parë kanë humbur startin e sezonit si pasojë e këtyre lëndimeve.
Këto probleme do të vazhdojnë edhe të dielën në derbin e Madridit.
Trajneri argjentinas Diego Simeone, nuk do të jetë në gjendje të llogarisë në shërbimet e Rodrigo De Paul, e po ashtu edhe të Pablo Barrios me këtë të fundit që pësoi një lëndim në gju të martën ndaj Lazios.
Mungesa e këtyre dy lojtarëve ka shkaktuar kokëdhembje në kampin e Atleticos, ani pse së fundmi nga lëndimi u rikthye kapiteni i ekipit, Koke Resurreccion, pas një lëndimi muskulor që kishte pësuar në xhiron e parë të La Ligas.
Në konferencën për shtyp para ndeshjes ndaj Real Madrid, Simeone konfirmoi se Koke është i gatshëm për të luajtur.
🎙️| Diego Simeone: “Koke? He’s coming off a fairly cautious recovery period, he’s physically well, and we’ll see if he can start or not.” pic.twitter.com/HLTjTJ5ChH
— Atletico Universe (@atletiuniverse) September 23, 2023
“Fizikisht ai është mirë, është rikthyer në stërvitje. Ne do të vendosim nesër nëse ai do të startojë, apo do të futet në pjesën e dytë”, ka thënë tekniku 53-vjeçar.
Koke është një lojtar shumë i rëndësishëm për Atletico Madrid, dhe eksperienca e tij veçanërisht në ndeshje të kësaj rëndësie, do të jetë kruciale për “Los Colchoneros”./Telegrafi/