Telegrafi

“Dhimbja për shtëpinë e dytë Ukrainën” – Armend Dallku vjen me një rrëfim emocionues për vendin që kaloi 11 vite të bukura në karrierë

Ish-futbollisti i famshëm shqiptar, tanimë në rolin e trajnerit, Armend Dallku, thotë se po përcjell me shqetësim dhe dhembje luftën ruse në Ukrainë.

Dallku, i cili për më shumë se një dekadë ka jetuar në këtë vend dhe ka luajtur për skuadrën Vorskla Poltava, thotë se ka shokë e miq në Ukrainë, që po rrezikohen nga sulmet ruse.

Në një intervistë për Radio Evropa e Lirë, Dallku ka folur për gjendjen që ndodhet Ukraina, vend ku vushtrriasi kishte qëndruar nga viti 2005 deri më 2016.

Ai kishte jetuar në qytetin e Polltavas, ku ka shokun e tij të ngushtë, Nikolla Ivaniq i cili punon si mjek.

Lexo po ashtu Dukagjini i Dallkut dhe fillimi i sezonit në Superligë: Ndeshjet e para pa fitore, forma e Januzit, kartonët e kuq e gjithçka tjetër për ‘Hithat’

Në një bisedë me kamerë, Ivaniq i tregon Dallkut se gjendja është shumë e rëndë dhe se situata sa vije e vështirësohet.

Ndër të tjera Dallku ka thënë se i ka thënë një miku të tij të ngushtë që ta dërgojë familjen e tij deri në kufi të Polonisë ku ky do të dilte për t’i marrë në shtëpinë e tij.