Ambasadat e ShBA dhe Bashkimit evropian të cilët dhe janë garantues të marrëveshjeve politike të katër partive politike presin nga krerët e tyre ti përmbushin premtimet dhe obligimet e tyre dhe të organizojnë zgjedhje të besueshme më 11 dhjetor. Kjo është përgjigja e Ambasadës amerikane dhe të Delegacionit të Bashkimit evropian ndaj letrës të cilën të premten ua dërgoi lideri i opozitës maqedonase, Zoran Zaev, përcjell Telegrafi Maqedoni.
Ambasada amerikane në mënyrë diplomatike, pa cilësime u ka për apel liderëve të partive politike.
“I inkurajojmë partitë që tu përmbahen zotimeve të tyre sipas marrëveshjes “Përzhino” dhe asaj të 20 korrikut, që të sigurojnë zgjedhje të besueshme dhe punë të papenguar të Prokurorisë speciale publike dhe të mbikëqyrësve të pavarur të mediave”, thuhet në përgjigjen e Ambasadës amerikane në Maqedoni.
Pothuajse e njëjtë ka qenë dhe përgjigja e Delegacionit të Bashkimit evropian në Shkup, në të cilën thuhet:
“Presim nga të gjithë krerët dhe partitë e tyre që ta respektojnë zotimin e tyre të 31 gushtit për organizim të zgjedhjeve të besueshme më 11 dhjetor. Besojmë që zgjedhjet e tilla të besueshme janë në interes të vendit dhe kthimit të saj në rrugën e integrimeve evropiane”./Telegrafi/