Deputeti hungarez Peter Niedermuller nga partia Socialiste për televizionin “1TB” tha sot se çështja e azilit hungarez për Nikolla Gruevskin është një çështje evropiane e cila do të hapet në shumë nivele në BE.
Ai tha se çështja padyshim do të vihet në agjendën e Këshillit të Ministrave të Jashtëm të BE-sl më 6 dhjetor. Jam i bindur se Austria, vendi që kryeson me BE-në, do ta hapë këtë çështje për të debatuar mes ministrave.
Niedermuller gjithashtu njofton se kjo do të diskutohet në seancën plenare të Parlamentit Evropian në fillim të dhjetorit dhe është i bindur se kjo nismë do të marrë mbështetje nga disa grupe politike.
Deputeti i ka shkuar një letër të hapur Presidentit të Partisë Popullore Evropiane, Manfred Weber, i cili vjen nga CDU, partia e Angela Merkelit:
Ai duhet të thotë çfarë mendon për këtë çështje. Kjo është një çështje evropiane dhe për këtë Weber duhet të thotë atë që ai mendon, thotë Niedermuller.
“Orban dëshiron të tregojë se mundet. Orban është vazhdimisht i përplasur me të gjithë BE-në, me Brukselin, me gjithë opozitën në Hungari. Por unë besoj se çmimi politik për këtë do të jetë i lartë, sepse do të mbetet më i izoluar në familjen e tij politike, më shumë se më parë. Nga ana tjetër, të gjitha vendet evropiane që e kanë parë këtë hap të tij do të jenë më të rreptë ndaj tij dhe partisë së tij dhe qeverisë. Kjo është krejtësisht e papranueshme”, thotë deputeti i Partisë Socialiste Hungareze, Peter Niedermuller./Telegrafi/
