Interi ka dështuar për rikthimin e Romelu Lukakut, pasi ky i fundit duket se ka ndarë mendjen që t’i bashkohet Juventusit.
Pasi besuan shumë se sulmuesi belg do të rikthehej tek ta në formë permanente, u zbulua se lojtari ka bllokuar kontaktin me Nerazzurët dhe tani po bisedon me Zonjën e Vjetër.
Duket ditur se kanë nevojë të madhe për një sulm qendre, Interi është duke i shikuar të gjitha opsionet e mundshme në treg.
Sipas asaj që raporton gazetari i Sky Sport Italia, Matte Barzaghi, Interi e ka tani prioritet transferimin e anëtarit të Arsenalit, Folarin Balogun, që në edicionin e kaluar shënoi 21 gola për Reims në Ligue 1 si i huazuar.
Pas tij janë të renditur edhe Alvaro Morata i Atletico Madridit, Mehdi Taremi i Portos dhe M’Bala Nzola i Spezias.
Synimi i Interit do të jetë transferimi i Balogun, por që negociatat nuk do të jenë të lehta, duket ditur se Gunner i duan mbi 45 milionë euro për kartonin e tij. /Telegrafi/
Prime opzioni post Lukaku (date stamattina su Sky)
Primo nome Balogun.
Poi una batteria con Morata, Taremi, N’Zola. Tutti in corsa e ne spunteranno altri sicuramente.@SkySport @DiMarzio
— Matteo Barzaghi (@MatteoBarzaghi) July 15, 2023