Dështimi i Jordanit për ta ndalur Messin duke e kapur nga fanella bëhet virale në rrjetet sociale

Një ‘kapje e dështuar’ e mesfushorit të Sevillas, Joan Jordan ndaj kapitenit të Barcelonës, Lionel Messi, është bërë virale duke bërë gjiron e botës.

Ekipi i Ronald Koeman ka vazhduar serinë pozitive dhe ngjitjen në tabelë, duke siguruar një fitore të madhe në Ramon Sanchez Pizujan.

Golat në këtë fitore për katalunasit u shënuan nga Ousmane Dembele (29’) dhe Lionel Messi (86’).

Lexo po ashtu Sevilla 0-2 Barcelona, notat e lojtarëve – Messi më i miri

Ylli argjentinas i Barcelonës, Messi, ishte i pakapshëm ndaj ekipit të tij të preferuar, Sevillas, dhe këtë të së miri e tregon një aksion i ndeshjes.

Messi mori një top në mesin e fushës në fund të lojës dhe u nis drejt portës së kundërshtarëve, ndërsa Jordan iu ‘qep’ nga pas për ta ndalur.

Megjithatë, kjo ishte përpjekje e dështuar e Jordani, i cili doli huq duke mos arritur ta ndal as me kapje fanelle.

Dështimi i Jordanit për ta ndalur Messin po bën gjiron e botës duke u bërë virale në rrjetet sociale. /Telegrafi/