Johnny Depp është shpallur aktori më i mbivlerësuar në Hollywood nga revista Forbes.
Ylli hollivudian, i cili është njëri prej aktorëve më të paguar në botë me fitim prej 30 milionë dollarëve, ka kthyer vetëm 1.2 për çdo 1 dollar që është paguar.
Pozita e tij e dobët në listën e më të mbivlerësuarve nga Forbes vjen pas dështimit të filmave, si “Mortdecai”, “Transcendence” dhe “The Lone Ranger”, transmeton koha.net.
Në pozitën e dytë është radhitur Denzel Washington, i cili ktheu 6.5 për 1 dollar që është paguar.
I treti është Will Ferrel, që i priu listës së aktorëve “të mbipaguar” në vitin 2009 dhe 2010. Këtë herë ai ktheu 6.8 për 1 dollar që është paguar.
Top pesëshja mbyllet me Liam Neeson, që ka kthyer 7.8 dollarë për çdo 1 dollar të paguar dhe Will Smith që ka kthyer 8.6 dollarë për çdo dollar të paguar.
Christian Bale, Channing Tatum, Brad Pitt, Ben Afleck dhe Tom Cruise përmbyllin top dhjetëshen.