Mediat ruse dhe kanale të ndryshme në Telegram raportojnë për një zjarr të madh që ka shpërthyer në një depo nafte në Rusi, që u sulmua me dronë kamikaz në rajonin e Smolenskut.
Bëhet fjalë për depon e naftës në Yartsevo të rajonit të Smolenskut, transmeton Telegrafi.
Madje edhe autoritetet lokale të atjeshme kanë konfirmuar sulmin – duke theksuar se është goditur edhe infrastruktura energjetike.
Banorët e Yartsevo kanë dëgjuar afro dhjetë shpërthime të fuqishme – ku më pas shpërtheu një zjarr i fuqishëm në depon e naftës.
Vasily Anokhin, guvernatori i Smolenskut bëri të ditur se ishin dronët kamikaz ukrainas ata që shënjestruan depon e naftës. /Telegrafi/