Depay po kalon si lojtar i lirë te Juventusi

Avokati i Memphis Depayt, Sebastien Ledure, pritet të takohet me Barcelonën për të ndërprerë kontratën e holandezit përpara një lëvizjeje të lirë në Juventus.

Gjigantët e Serisë A kanë arritur tashmë një marrëveshje parimore me ish-sulmuesin e Manchester United, të cilit i ka mbetur edhe një vit kontratë me katalanasit.

Sipas Sport, përfaqësuesi i tij Ledure, i njëjti njeri që bëri të mundur rikthimin e Romelu Lukakut në Inter, do të takohet me drejtorët e Barcelonës, me shpresën për të finalizuar ndërprerjen e kontratës së sulmuesit.

Lexo po ashtu Nga Ronaldo te Neymar, Silva, De Jong e Broja: Disa nga transferimet e mëdha që mund të ndodhin ende para mbylljes së afatit kalimtar veror

Depay e ka bërë të qartë se ai do të largohet nga Barcelona vetëm si i lirë, por sipas Gazzetta dello Sport, sulmuesi ka kërkuar një pagesë për t’u larguar nga klubi.

Gjigantët e La Ligës janë në krizë financiare dhe duhet të lirojnë pagat për të regjistruar nënshkrimet e tyre të reja, kështu që ata ka të ngjarë të bien dakord për anulimin e kontratës së holandezit.

Lexo po ashtu Juventusi ka gati kontratën për Depayn

Dy palët janë ende në bisedime, por sipas raportimit, Depay dhe Barcelona duhet të arrijnë një marrëveshje të mërkurën (nesër).

Ish-ylli i Lyonit dhe Manchester United pritet të nënshkruajë një marrëveshje dyvjeçare me vlerë 5 milionë euro në Torino, ku do të zëvendësojë Alvaro Moratan që ishte në huazim nga Atletico Madridi. /Telegrafi/