Unioni i Transmetimit Evropian (EBU) e ka dënuar me gjobë televizionin shtetëror islandez, për shkak se grupi “Hatari” që e përfaqësoi Islandën e ngriti flamurin palestinez gjatë spektaklit.
Në finalen e “Eurovision 2019” e mbajtur në Tel Aviv të Izraelit vëmendje të madhe nga të gjithë mori edhe paraqitja e Islandës, e cila u përfaqësua nga grupi “Hatari” me këngën “Hatrið mun sigra”.
Në momentin kur këtij grupi po i kumtoheshin pikët e marra nga votat e publikut në fund të mbrëmjes, ata ngritën flamurin dhe simbole të ndryshme në mbështetje të Palestinës.
Winner of the night #Iceland #Eurovision #Eurovision2019 pic.twitter.com/nY5uJ5ANC0
— Oğul Tuna (@sogultuna) May 18, 2019
Veprimi i tyre ishte për të protestuar kundër, siç është thënë, “okupimit izraelit të territoreve palestineze dhe shkeljen e të drejtave njerëzore të palestinezëve”.
Sipas Euronews, EBU konsideron se veprimi i grupit islandez shkel rregullat që ndalojnë shfaqjen e mesazheve politike.
Nuk është bërë e ditur shumë e saktë me të cilën është gjobitur Islanda, ndërsa portali Escxtra raporton se është dënuar me 5.000 euro që është edhe gjoba minimale që shqipton ky union. /Telegrafi/