Alessandro Del Piero këmbëngul se kalimi është ende i mundshëm për Juventusin dhe Romën në Ligën e Kampionëve.
Të dyja skuadrat italiane përballen me detyra të mëdha këtë javë, me Bianconerët që udhëtojnë te Real Madridi, ndërsa Roma e pret Barcelonën.
Zonja e Vjetër ka humbur në shtëpi me rezultat 3-0, teksa Roma u mposht në Camp Nou me rezultat të thellë gjithashtu 4-1.
Por, legjenda italiane e Juventusit, Del Piero, beson se skuadrat italiane ende mund të kalojnë në gjysmëfinale të Ligës së Kampionëve.
“Juventusi dhe Roma janë ekipe të shkëlqyera dhe kalimi tutje është ende i mundshëm”, ka thënë fillimisht Del Piero për RMC Sport.
“Çdo gjë mund të ndodhë, madje edhe kundër ekipeve të mëdha si Real Madrid dhe Barcelona”.
“Aspekti psikologjik dhe dëshira për shpengim mund të jenë vendimtare”.
“Do të jetë e vështirë, por si një italian dhe një Juventin shpresoj se mund të kalojnë”, përfundoi legjenda e Juventusit. /Telegrafi/