Nuk është e pazakontë, që një veturë e përdorur në një film të vihet në ankand. Me të përfunduar xhirimi i filmit, veturat e përdorura produksioni i vë në shitje. Por, kjo veturë është më e veçantë.
Ky Wolkswagen Jetta, përpos që është përdorur në filmin “Fast and the Furious” dhe mban nënshkrimin e aktorit Paul Walker, ka qenë pronë e Frankie Muniz në filmin “Malcolm in the Middle”.
Kjo veturë e bardhë do të vihet në ankand në Arizona të Shteteve të Bashkuara, në janar të vitit të ardhshëm, transmeton Telegrafi.
Nuk dihet pse Muniz po e shet veturën, por duket se dëshiron që edhe dikush të përjetojë magjinë e “Fast and the Furious”.
Kjo veturë është blerë në vitin 2002, teksa përmbante një Playstation 2, sistem të sofistikuar zërimi, si dhe vizatimet e mahnitshme në pjesën e jashtme.
Kjo veturë është nënshkruar nga aktori tashmë i ndjerë, Paul Walker, Chad Lindberg dhe regjisori Robert Cohen. /Telegrafi/
