Gonzalo Higuain do ta ketë planifikuar tërësisht ndryshe debutimin e tij për Inter Miami që nga një ëndërr u shndërrua në makth.
Ish-sulmuesi i Juventusit e humbi penalltinë duke e ekzekutuar në mënyrë të tmerrshme, si dhe nisi një përleshje fizike, pasi lojtarët e Philadelphia Union e ngacmuan duke festuar para fytyrës së tij humbjen e penalltisë.
Argjentinasi e regjistroi paraqitjen e tij të parë për klubin që është pronë e David Beckham, ndërsa pritshmëritë nga ai ishin të mëdha.
Gonzalo Higuaín is gonna want this one back. 😮 pic.twitter.com/CG1lYB2sHK
— FOX Soccer (@FOXSoccer) September 28, 2020
I mjaftuan 20 minuta lojë dhe Higuain e goditi shtyllën duke paralajmëruar se do të tregohej i rrezikshëm, mirëpo pasoi makthi.
Gonzalo Higuain almost scores a bicycle kick on his MLS debut 😱
— Goal (@goal) September 28, 2020
Skuadra e tij po humbte 2-0, ndërsa kishin mbetur edhe 14 minuta deri në fund të takimit në Subaru Park dhe Miami pati një penallti. Higuain e mori përgjegjësinë për ta kthyer skuadrën në lojë.
Mirëpo, topi shkoi përmbi portë dhe lojtarët e gëzuar të Philadelphia Union festuan para fytyrës së 32-vjeçarit, i cili reagoi duke u përleshur me pesë lojtarë kundërshtarë.
Deri në fund të ndeshjes, ekipi rival e shënoi edhe një gol dhe e fitoi ndeshjen me rezultat 3-0. /Telegrafi/
Gonzalo Higuain sends it into the green screen! 🚀 #PHIvMIA pic.twitter.com/SxccWZqG6X
— The Cooligans (@SoccerCooligans) September 28, 2020