Matthijs De Ligt është njëri nga mbrojtësit më të talentuar në botë dhe njëkohësisht më i kërkuari.
Qendërmbrojtësi i Ajaxit ka shkëlqyer në dy stinorët e fundit me fanellën kuqebardh dhe ka bërë për vete skuadrat më të mëdha evropiane.
Barcelona, Juventus, Real Madrid, Bayern Munich,Arsenal, Liverpool, Chelsea e Paris Saint Germain janë ekipet që e duan lojtarin.
Në një prononcim për të përditshmen italiane Tuttosport, De Ligt ka folur rreth një kalimi te Juventusi.
“Transferimi te Juventusi? Nuk e di momentalisht, mund të ndodhë. Gjithashtu për mua kanë shprehur interesim edhe shumë klube të tjera. Të ardhmen time e vendos vetëm Raiola”, ka deklaruar mbrojtësi holandez.
19-vjeçari ka thënë se inspirohet nga dy mbrojtësit e Juventusit, Giorgio Chiellini dhe Leonardo Bonucci.
“Më pëlqen Chiellini, është shumë i fortë, një nga më të mirët ndonjëherë si qendërmbrojtës. Gjithashtu, e vlerësoj shumë Bonuccin. Janë dy nga qendrat më të mira në Evropë dhe inspirohem nga ta”.
“Gjithashtu shikoj video të mbrojtësve të mëdhenj si Maldini, Baresi, Stam e Nesta”, tha reprezentuesi holandez.
Ajaxi është gati ta shesë kapitenin e tyre, por po kërkon 75 milionë euro për ta lënë të lirë. /Telegrafi/