Site icon Telegrafi

Dani Olmo pritet ta bëjë transferimin e karrierës në verë, përveç RB Leipzig edhe Dinamo Zagrebi pret fitime të mëdha

Shkumbin Pireva

Ylli spanjoll, Dani Olmo me shumë gjasa do të largohet nga RB Leipzig në afatin kalimtar të verës dhe do të nënshkruajë kontratë me Barcelonën.

Sipas gazetës Bild, vitin e ardhshëm klubit gjerman i nevojiten vetëm 60 milionë euro për të mbuluar shpenzimet e rifinancimit, për pagat e lojtarëve dhe stafit dhe për infrastrukturën dhe këto para duhet t’i fitojë duke larguar spanjollin drejt Barcelonës, ku luajti nga 2007 deri në 2014 kur kaloi te Dinamo Zagrebi.

Në afatin kalimtar të fundit, RB Leipzig shiti lojtarë me vlerë rreth 250 milionë euro dhe kështu bëri të ardhura të mëdha, kështu që vitin e ardhshëm nuk ka nevojë të shesë shumë.

Më shumë para i sollën transferimet e Josko Guardiol te Manchester City për 90 milionë euro, Dominik Szoboszlai te Liverpooli për 70 milionë euro dhe Christopher Nkunku te Chelsea për 60 milionë euro.

Sipas Bild, 60 milionë eurot e nevojshme do të kompensohen nga shitja e Olmos, i cili kujton se Barcelona është klubi i ëndrrave të spanjollit dhe se ky është një skenar i pritshëm.

Dinamo Zagreb pret rreth 6 milionë euro

Gazeta Bild shkruan se Olmo, babai i tij Miquel dhe agjenti Andy Bara kanë biseduar tashmë me Barcelonën për këtë transferim dhe përmend një takim të fshehtë gjatë Kupës së Botës në Katar vitin e kaluar.

“Pas diskutimeve me katalanasit e ngarkuar financiarisht, Olmo çuditërisht zgjati kontratën e tij me Leipzig me përfshirjen e një klauzole për vitin 2024”.

Lajmi i rëndësishëm për Dinamon është edhe largimi i mundshëm i Olmos nga RB Leipzig, pasi kampioni kroat ka 20 për qind fitim nga transferimi i radhës.

RB Leipzig pagoi Olmon te Dinamo Zagreb tre vjet më parë për 29 milionë euro. Nëse Leipzig e shet për 60 milionë euro, Dinamo do të ketë të drejtën e 20 për qind të 31 milionë eurove, ose pak më shumë se gjashtë milionë euro. /Telegrafi/

Exit mobile version