Këngëtarja e njohur shqiptare, Dafina Zeqiri nuk po ndalet.
Në kuadër të albumit të saj të ri në ardhje “Dafinë moj”, Dafina ka inkuadruar shumë bashkëpunim me artistë të njohur vendor.
Bashkëpunimi i radhës është planifikuar me reperin Lyrical Son dhe pritet të publikohet së shpejti.
Kënga mban titullin “Llafe llafe” dhe gjatë këtyre ditëve janë kryer edhe xhirimet e klipit dhe pritet vetëm finalizimi i tij.
Ka qenë vet Dafina ajo e cila e ka bërë të ditur këtë informacion duke ndarë me ndjekësit në Instagram një fotografi nga xhirimet.
“’Llafe llafe’ me Lyrical Son në proces”, ka shkruar këngëtarja e njohur në mbishkrimin e fotografisë.
Kujtojmë që gjatë kësaj vere, Dafina ka qenë aktive me tri projekte shumë të suksesshme, “Japa”, “Happy birthday” dhe remiksin “Pa ty” në bashkëpunim me Cricket dhe Endrit Mumajesin. /Telegrafi/
